हिंगणघाट-समुद्रपूर मार्गावरून नियमित ये-जा करणाऱ्या तहसीलदारांच्या नजरेस मुख्य रस्त्यापासून अवघ्या ४००-५०० मीटरवरील कथित रेती साठा पडला नव्हता का? नागरिकांचा सवाल
महिनोनमहिने रेती साठत राहिली, डोंगर उभा राहिला, चर्चा रंगत राहिली; पण कारवाईचा मागमूस नाही. गव्हा परिसरात आता एकच प्रश्न – एवढा मोठा कथित साठा दिसला नाही की त्याकडे दुर्लक्ष झाले?
दैनिक, हिंदू जागर
रोशन ठाकुर, वर्धा
समुद्रपूर : गव्हा परिसरात उभा राहिलेल्या प्रचंड कथित रेती साठ्याने आता केवळ स्थानिक चर्चेची मर्यादा ओलांडली असून, संपूर्ण प्रशासनाच्या कार्यक्षमतेवर प्रश्न उपस्थित केले जात आहेत. फेब्रुवारी २०२६ पासून मोठ्या प्रमाणात रेती उपसा व साठवणूक सुरू असल्याची चर्चा असताना, एवढा मोठा साठा तयार होईपर्यंत संबंधित विभागांना काहीच माहिती नव्हती का, हा प्रश्न नागरिकांकडून सातत्याने उपस्थित केला जात आहे.
समुद्रपूर येथील रेती उद्याची गोंडळ सलेली आहे आणि या प्रकल्पाच्या कामाला सुद्धा सर्व स्पष्टता द्यावी लागेल. नागरिकांच्या सहभागाने प्रकल्प आणि त्याच्या प्रगतीच्या संदर्भात कुठल्या विचारांवर आधारित निर्णय करण्यात यावे लागेल. या प्रकल्पाच्या संचालनाच्या प्रक्रियेमध्ये सर्वांनी पारदर्शीता आणि जबाबदारी ठेवावी लागेल. यात मौखिक साथीचा आणि समुदायाचा सहभाग घ्यावा लागेल.
स्थानिकांच्या म्हणण्यानुसार, हा काही एका रात्रीत उभा राहिलेला साठा नाही. दिवसेंद वाढणारा रेतीचा ढीग, कथित वाहतूक, परिसरातील हालचाली आणि वाढती चर्चा यामुळे हा विषय आता गावागावात चर्चेचा केंद्रबिंदू बनला आहे. त्यामुळे नागरिकांकडून प्रशासनाला थेट प्रश्न विचारले जात आहेत.
विशेष म्हणजे, स्थानिकांच्या माहितीनुसार हा कथित रेती साठा मुख्य मार्गापासून अवघ्या ४०० ते ५०० मीटर अंतरावर असल्याचे सांगितले जात आहे. त्यामुळे नागरिकांमध्ये एक महत्त्वाचा प्रश्न उपस्थित केला जात आहे. हिंगणघाट ते समुद्रपूर मार्गावरून नियमित ये-जा करणाऱ्या तहसीलदार आणि संबंधित महसूल यंत्रणेच्या नजरेस हा प्रचंड साठा कधीच पडला नाही का? हा प्रश्न आता परिसरात जोरदार चर्चेचा विषय ठरला आहे. मात्र याबाबत प्रशासनाची अधिकृत भूमिका अद्याप समोर आलेली नाही.
गावात आणि परिसरात एकच चर्चा रंगली आहे. एवढा मोठा रेती साठा जमा करणारा नेमका कोण? कारण सामान्य नागरिकांच्या किरकोळ कामांवरही नियमांचे काटेकोर पालन करण्याची अपेक्षा ठेवली जाते. मग एवढ्या मोठ्या प्रमाणावर कथित रेती साठवणूक होत असताना कोणत्या प्रक्रिया पार पडल्या, कोणत्या परवानग्या घेण्यात आल्या आणि संबंधित नोंदी कुठे आहेत, याबाबत माहिती जनतेला मिळावी, अशी मागणी होत आहे.
गेल्या काही महिन्यांपासून या कथित रेती साठ्याबाबत विविध चर्चा सुरू असताना, अधिकृत स्तरावर स्पष्ट माहिती समोर न आल्याने नागरिकांच्या मनातील शंका आणखी गडद होत आहेत. अनेकांचा सवाल आहे की, जर सर्व काही नियमानुसार झाले असेल, तर संबंधित रॉयल्टी, उत्खनन परवानग्या, वाहतूक नोंदी आणि साठवणुकीची मंजुरी सार्वजनिक करण्यात अडचण काय आहे?
या प्रकरणामुळे प्रशासनाच्या उत्तरदायित्वावरही प्रश्न निर्माण झाले आहेत. कारण हा विषय केवळ रेती साठ्याचा नसून, देखरेख यंत्रणेच्या कार्यक्षमतेचा आणि पारदर्शकतेचा बनला आहे. त्यामुळे या प्रकरणाची निष्पक्ष आणि सखोल चौकशी करून वस्तुस्थिती जनतेसमोर आणावी, अशी मागणी विविध स्तरांतून होत आहे.
परिसरातील सामाजिक कार्यकर्ते आणि नागरिकांनी जिल्हा प्रशासनाने या प्रकरणाची स्वतंत्र चौकशी करावी, महसुली अभिलेख, रॉयल्टी नोंदी, वाहतूक परवाने आणि इतर संबंधित कागदपत्रांची पडताळणी करावी, अशी मागणी केली आहे. चौकशीत सर्व काही नियमांनुसार आढळल्यास ते जनतेसमोर स्पष्ट व्हावे आणि कोणतीही अनियमितता आढळल्यास कायद्यानुसार कारवाई व्हावी, अशी अपेक्षा व्यक्त होत आहे.
आज गव्हा परिसरात प्रत्येकाच्या ओठांवर एकच प्रश्न आहे. रेतीचा डोंगर उभा राहिला, पण प्रशासनाला दिसला नाही? आणि एवढा मोठा साठा जमा करणारा नेमका कोण? या प्रश्नांची अधिकृत उत्तरे मिळेपर्यंत या प्रकरणावरील चर्चा आणि चौकशीची मागणी कायम राहण्याची चिन्हे आहेत.
